Milliy statistika qo‘mitasi ma’lumotiga ko‘ra, 2025 yil 1 iyul holatiga kelib, O‘zbekiston aholisi soni 37,9 million nafarga yetdi. Bu o‘tgan yillar bilan solishtirganda aholi o‘sishining yuqori sur’atlarda davom etayotganini ko‘rsatadi.
Ma’lum qilinishicha, 19,1 million nafarini erkaklar, 18,8 millionini esa ayollar tashkil etmoqda. Shahar aholisi 19,3 million bo‘lsa, qishloq joylarda 18,6 million kishi istiqomat qilmoqda. Demak, aholi shaharlashuvi jarayoni ham faol davom etmoqda.
Oilaviy holatlar bo‘yicha esa, yil boshidan buyon 95,3 mingta nikoh qayd etilgan. Biroq, shu davrda 23,3 mingga yaqin oila rasmiy ravishda ajrashgani ma’lum qilingan. Bu raqamlar oilaviy munosabatlarda barqarorlikni kuchaytirish zarurligini ko‘rsatadi.
Migratsiya holatiga kelsak, O‘zbekistonga 700 kishi ko‘chib kelgan bo‘lsa, 5 600 nafar fuqaro mamlakatni tark etgan. Bu esa tashqi migratsiya manzarasining salbiy tomonga o‘zgarganini ko‘rsatadi.
“Zamin”ni Telegramʻda oʻqing!
