Islom sivilizatsiyasi markazida sodir bo‘lgan yong‘in natijasida hech qanday qimmatli artefakt zarar ko‘rmagani ma’lum qilindi, deb Kursiv.uz xabar berdi.
Rasmiy bayonotga ko‘ra, markaz uchun mo‘ljallangan muzey eksponatlari alohida binoda, yangi kompleksdan tashqarida saqlanmoqda. Ular doimiy nazorat ostida va to‘liq xavfsizlikda.
Hodisa sodir bo‘lgan vaqtda binoda Kaaba qoplami va boshqa eksponatlar bo‘lmaganiga alohida urg‘u berildi.
Avvalroq ijtimoiy tarmoqlarda 19-avgustdagi yong‘in paytida binoda odamlar bo‘lgani va artefaktlarga zarar yetgani haqida asossiz xabarlar tarqalgandi. Markaz bu da’volarni rad etdi.
Ma’lumot uchun, loyiha qurilish ishlari hali to‘liq yakunlanmagan. Bosh pudratchi sifatida “Trest-12” kompaniyasi ish olib bormoqda. Markaz qurilishi uchun mablag‘ hukumat huzuridagi maxsus direksiya tomonidan ajratilmoqda.
Shuningdek, loyihaga xorijiy kompaniyalar va dizaynerlar ham jalb qilingan.
