O‘zgidromet 2 sentyabr kuni O‘zbekistonning turli hududlarida kuzatilishi kutilgan ob-havo haqida ma’lumot berdi.
Ma’lumotga ko‘ra, poytaxt Toshkentda osmon biroz bulutli bo‘ladi. Yomg‘ir yog‘ishi ehtimoli yo‘q. Sharqdan yesa shamol 5–10 m/s tezlikda esishi kutilmoqda. Harorat kechasi 15–17 daraja, kunduzi esa 31–33 daraja atrofida bo‘ladi.
Qoraqalpog‘iston va Xorazm viloyatida ham osmon biroz bulut bilan qoplanishi aytilmoqda. Yog‘ingarchilik kutilmaydi, ammo shamol ayrim joylarda 13–18 m/s gacha kuchayishi, chang-to‘zonlar kuzatilishi mumkin. Havo harorati kechasi 13–18 daraja, kunduzi 30–35 daraja atrofida saqlanadi.
Buxoro va Navoiy viloyatida ham xuddi shunday ob-havo kutilmoqda. Shamolning kuchayishi va changli shamollar ehtimoli bor. Harorat kechasi 14–19 daraja, kunduzi 30–35 daraja bo‘ladi.
Toshkent viloyati, Sirdaryo, Jizzax va Samarqandda ham osmon biroz bulutli bo‘lib, yog‘ingarchilik kutilmaydi. Shamolning ayrim joylarda kuchayishi mumkin. Harorat kechasi 13–18 daraja, kunduzi 30–35 daraja bo‘lishi bashorat qilingan.
Qashqadaryo va Surxondaryoda ham kun biroz bulutli kechadi. Yomg‘ir yog‘maydi. Ammo shamolning 13–18 m/s gacha kuchayishi va changli havo kuzatilishi mumkin. Havo harorati kechasi 16–21 daraja, kunduzi esa 32–37 darajagacha ko‘tariladi.
Farg‘ona vodiysi viloyatlari — Andijon, Namangan va Farg‘onada osmon biroz bulutli bo‘ladi. Yog‘ingarchilik ehtimol qilinmayapti. Shimoli-sharqdan shamol 5–10 m/s tezlikda esadi, ayrim joylarda u ham kuchayishi mumkin. Havo harorati kechasi 13–18 daraja, kunduzi 30–35 daraja atrofida bo‘ladi.
Tog‘li hududlarda esa ob-havo nisbatan salqin kechadi. Osmon biroz bulutli, yog‘ingarchilik kutilmaydi. Shamol ayrim manzillarda kuchliroq esishi mumkin. Harorat kechasi 9–14 daraja, kunduzi esa 20–25 daraja bo‘ladi.
Shu tariqa, 2 sentyabr kuni butun mamlakatda ob-havo nisbatan barqaror bo‘lishi kutilmoqda. Biroq shamolning kuchayishi va chang-to‘zonlar ayrim hududlarda aholi uchun noqulaylik tug‘dirishi mumkinligi haqida mutaxassislar aholini ogohlantirmoqda.
“Zamin”ni Telegramʻda oʻqing!
