FIFA Toshkentda Markaziy Osiyo bo‘yicha mintaqaviy ofis ochadi, deb Kursiv.media xabar berdi.
Bunday kelishuv O‘zbekiston Prezidenti Shavkat Mirziyoyev va FIFA rahbari Janni Infantino o‘rtasidagi uchrashuvda erishildi.
Infantino O‘zbekiston terma jamoasining jahon chempionatiga chiqqani bilan ham tabrikladi.
Uchrashuvda futbolni boshqarish va tashkil etish tizimini yanada takomillashtirishda FIFA bilan hamkorlikni kengaytirish masalalari muhokama qilindi.
Shuningdek, yoshlar o‘rtasida futbolni ommalashtirish va rivojlantirishdagi tashabbuslar ham ko‘rib chiqildi.
FIFA O‘zbekistonda futbol markazi tashkil etilishini qo‘llab-quvvatladi.
Uchrashuv yakunida Prezident Mirziyoyev Janni Infantinoni "Do‘stlik" medali bilan taqdirladi.
Medal futbolni xalqaro miqyosda targ‘ib qilgani uchun berildi.
Infantino poytaxtdagi Olimpiya shaharchasi va CAFA 2025 finalida ham ishtirok etdi.
