Astana Hub va IT Park Uzbekistan Market Entry nomli akseleratsiya dasturini ishga tushirdi, deb Spot.uz xabar berdi. Ushbu dastur orqali o'zbekistonlik startaplar Qozog'iston bozoriga chiqishda yordam oladi. Arizalar 20 sentyabrgacha qabul qilinadi.
Market Entry dasturi o'z biznesini Qozog'istonda kengaytirmoqchi bo'lgan texnologik startaplar uchun mo'ljallangan. Dastur doirasida yuridik shaxs sifatida ro'yxatdan o'tish, subsidiyalar va soliq imtiyozlarini olishda yordam ko'rsatiladi.
Ishtirokchilar mahalliy qonunchilik va soliq tizimiga moslashish, yangi auditoriyada mahsulotlarini sinovdan o'tkazish va pilot loyihalarni tayyorlash imkoniyatiga ega bo'lishadi. Shuningdek, ehtimoliy mijozlar va hamkorlar bilan uchrashuvlar tashkil etiladi.
Dastur ishtirokchilariga quyidagilar taklif etiladi:
Astana shahrida ikki nafar jamoa a'zosi uchun ofis va koliving;
asosiy sohalarda mutaxassislar bilan mentorlik sessiyalari;
shaxsiy trekerlar bilan ishlash imkoniyati;
ko'rgazmalar, forumlar va sohaga oid tadbirlarda qatnashish imkoniyati.
Market Entry dasturining ochilishi 3 oktyabr kuni Digital Bridge xalqaro forumi doirasida bo'lib o'tadi. Mashg'ulotlar 6 oktyabrdan boshlanib, 8 hafta davom etadi.
Akseleratorning yakuniy bosqichi – Demo Day – 5 dekabr kuni bo'lib o'tadi. Ishtirokchilar o'z loyihalarini investorlar va venchur jamg'armalarga taqdim etishadi.
“Zamin”ni Telegramʻda oʻqing!
