Pedagoglarga ipoteka va ta’limda katta imtiyozlar berildi

Shavkat Mirziyoyev Toshkent viloyatining Bo‘stonliq tumanida o‘qituvchi va murabbiylar bilan uchrashuvda pedagoglarni qo‘llab-quvvatlashga qaratilgan yangi tashabbuslarni taqdim etdi, deb uz24.uz xabar berdi.

Yangi yildan boshlab 15 yillik stajga ega oliy toifali pedagoglarga ipoteka krediti uchun boshlang‘ich badalning 25 foizi davlat tomonidan qoplab beriladi. Shuningdek, pedagoglar farzandlari davlat OTMga kirsa, kontraktiga 30 foiz chegirma beriladi.

O‘qituvchilar kompyuter xaridi uchun 10 mln so‘mgacha imtiyozli kredit olishi mumkin. Davlat xizmatlari uchun to‘lovlar 2 barobar kamaytiriladi. Mahalliy va xalqaro reytingdagi OTM, maktab va bog‘cha pedagoglariga ichki sayohat uchun chipta narxlariga 15-20 foiz chegirma beriladi.