O‘zbekistonda ona sutini almashtiruvchi mahsulotlarning reklamasi cheklanishi va bolalar oziq-ovqatlarini ishlab chiqarish, import qilish, saqlash hamda sotish talablarini kuchaytirish taklif qilindi, deb Kursiv.media xabar berdi. Bu taklif Prezident Shavkat Mirziyoyev ishtirokidagi taqdimot chog‘ida ilgari surildi.
Ushbu choralar faqatgina emizishga asoslangan oziqlantirishni rivojlantirishga qaratilgan milliy dastur doirasida amalga oshiriladi. Dasturga ko‘ra, 2030 yilgacha 6 oygacha bo‘lgan bolalarni faqat ona suti bilan oziqlantirish ko‘rsatkichini 70%ga yetkazish rejalashtirilgan. Bu Jahon sog‘liqni saqlash tashkiloti tavsiyasiga muvofiqdir.
Dastur doirasida JSST va UNICEF tashabbuslari — “Bolangiz uchun do‘stona shifoxona” va “Emizishda 10 qadam” amaliyotlari joriy qilinadi. Shifokorlar maslahat berishga o‘rgatiladi, homilador va emizikli ayollar uchun o‘quv mashg‘ulotlari o‘tkaziladi.
“Zamin”ni Telegramʻda oʻqing!
