Uzbekistan Airways noyabr oyida yoshi katta fuqarolar uchun 15% chegirma taqdim etadi

Uzbekistan Airways aviakompaniyasi "Yoshi katta fuqarolar uchun turizm oyi" doirasida noyabr oyida ichki reyslarga chegirma e’lon qildi. Aksiya 1–30 noyabr kunlari amal qiladi.

Shartlarga ko‘ra, 55 yoshdan katta ayollar va 60 yoshdan katta erkaklar Uzbekistan Airways’ning iqtisodiy klass chiptalarini 15% chegirma bilan xarid qilishlari mumkin.

Chiptalarni kompaniyaning rasmiy sayti, "Uzbekistan Airways Sales" agentliklari va ofislaridan xarid qilish mumkin. Xarid vaqtida pasport yoki ID-karta ko‘rsatilishi lozim.

Ushbu chegirma boshqa aksiyalar bilan birlashtirilmaydi va chipta qaytarish yoki almashtirishda yig‘imlarga taalluqli emas.

Eslatib o‘tamiz, avvalroq Uzbekistan Airways 22 ta Boeing 787 Dreamliner samolyoti xarid qilayotganini bildirgandi, deb xabar beradi Kursiv Media.