Toshkent aeroportida robot-barista paydo bo‘lishi mumkin

“Uzbekistan Airports” kompaniyasi E-auksion.uz onlayn platformasida Toshkent xalqaro aeroportida ijaraga beriladigan yangi tijorat maydonlari ro‘yxatini e’lon qildi, deb Uz24.uz xabar berdi.

Auksionga qo‘yilayotgan joylar orasida aviakompaniya va havo kemalariga texnik xizmat ko‘rsatuvchi konteynerlar uchun 30 va 53 kvadrat metrlik maydonlar ham mavjud. Ularning boshlang‘ich yillik narxi mos ravishda 144 million so‘m va 254 million so‘m qilib belgilangan.

Shuningdek, xalqaro jo‘nab ketish terminalida 3 kvadrat metrlik maydon robot-barista, ya’ni avtomatlashtirilgan qahva kioski uchun auksionga qo‘yiladi. Savdolarda ishtirok etuvchi kompaniyalar texnik talablarga mos kelishi shart. Auksionlar 2025-yil 7-oktabr kuni bo‘lib o‘tadi.