2025 yilning sakkiz oyida O‘zbekiston 54,6 ming tonna parranda go‘shtini chetdan xarid qildi. Bu o‘tgan yilning shu davriga nisbatan 14,2% ko‘proq, deb Kursiv.media xabar berdi.
Import qilingan parranda go‘shti uchun 59,1 million dollar (725 milliard so‘m) sarflangani ma’lum qilindi. Bu haqda Davlat statistika qo‘mitasi axborot berdi.
Asosiy yetkazib beruvchi davlat — Rossiya bo‘lib, 13,9 ming tonna go‘sht yetkazib berilgan. Turkiyadan 9,8 ming tonna, Belarusdan esa 7 ming tonna go‘sht olib kelingan.
Bundan tashqari, Belgiya — 5,6 ming tonna, Niderlandiya — 4,2 ming tonna, boshqa davlatlardan esa 14,1 ming tonna parranda go‘shti import qilingan.
Joriy yilning sakkiz oyi davomida O‘zbekiston jami 2,6 milliard dollar (32,2 trillion so‘m) qiymatida oziq-ovqat mahsulotlarini import qilgan. Bu yil hisobida 14% o‘sishni anglatadi.
Import qilingan mahsulotlar orasida asosiy o‘rinni g‘alla — 609 million dollar (7,5 trillion so‘m) va go‘sht — 504,7 million dollar (6,25 trillion so‘m) egalladi.
Shuningdek, O‘zbekiston shakar — 331,9 million dollar (4,1 trillion so‘m), sabzavot va mevalar — 294,4 million dollar (3,65 trillion so‘m) miqdorida xarid qilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
