16 oktabr kuni Shayxontohur tumanida gaz vaqtincha o‘chiriladi

16-oktabr kuni soat 09:00 dan 18:00 gacha ta’mirlash ishlari olib borilishi munosabati bilan Toshkent shahri Shayxontohur tumanidagi “Ibn Sino” mahallasining ayrim hududlarida tabiiy gaz ta’minoti vaqtincha to‘xtatiladi, deb “Hududgaz Poytaxt” gaz ta’minoti filiali rasmiy kanali xabar berdi.

Ta’mirlash ishlari yakunlangach, gaz ta’minoti qayta tiklanishi ma’lum qilingan. Ushbu ishlar aholining xavfsizligi va tizimning barqarorligini ta’minlash maqsadida amalga oshirilmoqda.

Yuzaga kelayotgan noqulayliklar uchun “Hududgaz Poytaxt” gaz ta’minoti filiali iste’molchilardan uzr so‘raydi.