Yil boshidan buyon go‘sht narxi 23 foizga qimmatladi, deb Uz24 sayti xabar berdi.
Markaziy bank boshqaruvi raisi Timur Ishmetov 24 oktyabr kuni bo‘lib o‘tgan matbuot anjumanida iqtisodiyotdagi ijtimoiy ahamiyatga ega tovarlar narxini barqarorlashtirish bo‘yicha hukumatning choralarini ma’lum qildi.
Sentyabr oyida umumiy inflyatsiya 8% darajasiga sekinlashgan bo‘lsa-da, ijtimoiy ahamiyatli tovarlar narxi ancha yuqori darajada qolmoqda. Yil davomida quyidagi tovarlar narxi oshgan:
– Mol go‘shti — 23,2% (taxminan 108,000 so‘m/kg)
– Kartoshka — 18,5%
– Benzin — 11,8%
Ishmetov ta’kidlashicha, bu mahsulotlar narxini barqarorlashtirish uchun tegishli vazirlik va idoralar bilan hamkorlikda amaliy choralar ko‘rilmoqda.
Kelgusi yillarda inflyatsiyani past va barqaror darajada ushlab turish uchun taklif bilan bog‘liq asosiy omillarni bartaraf etish, ichki bozorda raqobatni kuchaytirish, tarif va notarif cheklovlarni kamaytirish lozim. Shuningdek, energiya resurslarini uzluksiz yetkazib berish va transport infratuzilmasini rivojlantirishga katta ahamiyat qaratilmoqda.
Bu choralar iqtisodiy barqarorlik va tovarlar narxini barqarorlashtirishga xizmat qiladi.
“Zamin”ni Telegramʻda oʻqing!
