O‘zgidromet ma’lumotlariga ko‘ra, 12 noyabr kuni mamlakatning barcha hududlarida havo o‘zgaruvchan, ammo quruq bo‘ladi. Yog‘ingarchilik ehtimoli deyarli yo‘q.
Toshkent shahrida shamol sharqdan 3–8 m/s tezlikda esadi, harorat kechasi 3–5, kunduzi esa 16–17 daraja iliq bo‘ladi.
Qoraqalpog‘iston va Xorazm viloyatida havo tiniq bo‘lib, kunduzi 19 darajagacha isiydi. Buxoro va Navoiy viloyatlarida esa harorat 21 darajagacha ko‘tarilishi mumkin.
Samarqand, Sirdaryo va Jizzaxda 20 darajagacha, Qashqadaryo hamda Surxondaryo viloyatlarida esa 22 darajagacha iliq havo kutilmoqda.
Farg‘ona vodiysi viloyatlarida (Andijon, Namangan, Farg‘ona) havo tinch va salqin bo‘ladi — kunduzi 17, kechasi 2–7 daraja iliq. Ayrim joylarda tuman tushishi ehtimoldan xoli emas.
Tog‘li hududlarda ham havo barqaror bo‘lib, yog‘ingarchilik kutilmaydi. Kechasi 2 daraja sovuqqa, kunduzi 13 daraja iliqqacha bo‘lishi mumkin.
Meteorologlar hafta ilk kuni mamlakat bo‘ylab iliq va barqaror ob-havo hukm surishini ma’lum qilmoqda.
“Zamin”ni Telegramʻda oʻqing!
