Joriy yilning oxirigacha poytaxtimizdagi avtobuslarga elektron to‘lov tizimi uskunalari o‘rnatilishi rejalashtirilmoqda. Bu to‘g‘rida «Toshshahartransxizmat» AJ raisi Otabek Sodiqov Toshkent shahar hokimligida bo‘lib o‘tgan matbuot anjumanida ma’lum qilgan, deb yozadi Terabayt sayti.
Avtomatlashgan to‘lov tizimidan foydalanish uchun yo‘lovchi smart-kartalarni oladi va unga o‘zining hisob raqamidan unga mablag‘ o‘tkazadi. Yo‘lovchi ushbu «aqlli karta» yordamida, ya’ni uni avtobusda o‘rnatilgan maxsus validatorga yaqin tutish orqali yo‘l haqini to‘laydilar. Bu uskuna har gal bir maratlik yo‘l haqini echib oladi.
— Mazkur usuldagi to‘lov tizimi Prezidentimizning 2017 yil 10 yanvardagi «Aholiga transport xizmati ko‘rsatish hamda shahar va qishloqlarda avtobuslarda yo‘lovchilar tashish tizimini yanada takomillashtirish chora-tadbirlari to‘g‘risida»gi qarori asosida amalga oshirilmoqda. Qarorda yo‘nalishlar bo‘yicha ko‘rsatilayotgan xizmatlarning sifat darajasini oshirish va yo‘l haqini naqd pulsiz amalga oshirish vazifalari ham belgilangan.
Bunda maxsus moslama — validator avtobusning old eshigi yoniga o‘rnatiladi. Yo‘lovchi avtobusga chiqqanda kartani validatorga yaqinlashtiradi va uskuna avtomatik tarzda 3 soniya ichida undan kerakli summani echib oladi. Ushbu kartani maxsus do‘konchalardan sotib olish mumkin bo‘ladi. Agar tizim kutilgandek natija bersa, haydovchidan kunlik tushum majburiyati olib tashlanadi.
Joriy yilda qilinadigan yangiliklardan yana biri — poytaxtdagi markaziy avtobus bekatlariga kamida 100 ta elektron tablo o‘rnatilishidir. Bundan tashqari, keyingi besh yilda 1000 dan ortiq avtobus xarid qilinadi. Shu bilan birga, joriy yilda 200 dan ortiq avtobus haydovchisi tayyorlanadi. Buning uchun 21 yoshga to‘lgan, kamida uch yil haydovchilik mehnat stajiga ega yoshlarni o‘z hisobimizdan «D» kategoriyaga o‘qitib, korxonamizga ishga qabul qilamiz. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
2026 yilda bo‘lajak mundialning favoritlari reytingi taqdim etildi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Shavkat Mirziyoyev Rossiya bosh prokurori bilan uchrashuv o‘tkazdi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Italiya sudi Quddus Isroil poytaxti emasligi haqida qaror chiqardi
