O‘zbekistonda 2026 yil 1 yanvar holatiga ko‘ra, ayollar soni 18,9 milliondan oshdi va ular doimiy aholining 49,6 foizini tashkil qildi. Bu haqda Milliy statistika qo‘mitasi ma’lum qildi.
Statistikaga ko‘ra, ayollar soni bo‘yicha Samarqand viloyati yetakchi bo‘lib, bu yerda 2 million 172,4 ming nafar ayol yashaydi. Keyingi o‘rinlarda Farg‘ona viloyati 2 million 91,2 ming nafar va Qashqadaryo viloyati 1 million 831,6 ming nafar ko‘rsatkich bilan qayd etilgan.
Eng kam ayollar esa Sirdaryo viloyatida — 471 ming nafar va Navoiy viloyatida — 548,7 ming nafarni tashkil etgan.
Shuningdek, 2026 yil 7 fevral holatiga ko‘ra, O‘zbekistonning doimiy aholisi 38 million 300 ming 520 nafarga yetgan. Shundan 19 million 12 ming 368 nafari ayollar, 19 million 288 ming 132 nafari esa erkaklardan iborat.
Yana bir muhim raqam: 2025 yilda mamlakatda 879,6 ming chaqaloq tug‘ilgan bo‘lib, eng ko‘p tug‘ilish Samarqand va Farg‘ona viloyatlarida qayd etilgan.
“Zamin”ni Telegramʻda oʻqing!
