O'zbekistonda havo haroratining keskin pasayishi kutilayotgani munosabati bilan energiya resurslaridan oqilona foydalanish maqsadida muhim qaror qabul qilindi. Unga ko'ra, 10 mart kuni soat 16:00 dan boshlab respublika bo'ylab avtomobillarga gaz to'ldirish kompressor shoxobchalari faoliyatiga vaqtincha cheklovlar joriy etiladi.
Ushbu chora aholi xonadonlari va ijtimoiy soha ob'ektlarini tabiiy gaz bilan barqaror ta'minlashni birinchi o'ringa qo'yish maqsadida amalga oshirilmoqda. Mutasaddilarning ma'lum qilishicha, cheklovlar vaqtinchalik xarakterga ega bo'lib, ob-havo sharoiti barqarorlashgach, shoxobchalar yana o'z ish rejimiga qaytadi.
Haydovchilardan yuzaga kelishi mumkin bo'lgan noqulayliklar uchun tushunish bilan munosabatda bo'lishlari so'raladi. Shuningdek, gaz taqsimlash tizimida bosimni me'yorida saqlash uchun barcha zarur choralar ko'rilmoqda. Fuqarolardan energiya tejash qoidalariga rioya qilish va isitish moslamalaridan foydalanishda xavfsizlik choralarini unutmaslik tavsiya etiladi.
“Zamin”ni Telegramʻda oʻqing!
