Toshkent shahrining Yangihayot tumanida joylashgan 11 ta mahallada elektr energiyasi ta'minotida uzilishlar yuzaga keldi. Bunga shahardagi 110 kV kuchlanishli yuqori voltli elektr uzatish tarmog'ida sodir bo'lgan texnik nosozlik sabab bo'lgan. Ayni damda hududda shahar avariya-tiklash brigadasi mutaxassislari ish olib bormoqda.
Elektr ta'minotidan vaqtincha uzilgan hududlar qatoriga «Fayzli», «Al-Farg'oniy», «Yo'ldosh», «Chorbog'», «Viktor», «Yorqinhayot», «Do'stlik», «Navqiron», «Binokor», «Toshkent» hamda «Xushnud» mahallalari kiradi. Mas'ul xodimlar tomonidan nosozlikni bartaraf etish bo'yicha barcha zarur choralar ko'rilmoqda.
Mutaxassislarning ma'lum qilishicha, ta'mirlash ishlari yakunlangach, elektr energiyasi qayta tiklanadi. Aholi vaqtinchalik noqulayliklar uchun tushunish bilan yondashishlari so'raladi. Elektr ta'minoti yaqin vaqt ichida to'liq izga tushirilishi rejalashtirilgan.
“Zamin”ni Telegramʻda oʻqing!
