Bugun xodimlar uchun ish vaqti 1 soatga qisqartirildi

O‘zbekiston Mehnat kodeksiga ko‘ra, bayram arafasida ish kuni qisqartiriladi.

Qonunchilikda belgilanishicha, ishlanmaydigan bayram kunlaridan oldin barcha xodimlar uchun ish vaqti kamida bir soatga kamaytirilishi kerak.

Ertaga, 9 may — Xotira va qadrlash kuni munosabati bilan dam olish kuni hisoblanadi. Shu sababli, bugun ishga chiqqan xodimlar bir soat ertaroq ishdan ketish huquqiga ega.

Mazkur qoida barcha tashkilot va muassasalardagi xodimlarga taalluqli hisoblanadi. Mutaxassislar xodimlar o‘z mehnat huquqlaridan xabardor bo‘lishi muhimligini ta’kidlamoqda.

Nigina Zarqarayeva

«ZAMIN.UZ» muharriri

+ Zamin.uz saytini Google'ga qo'shing