Kubalik bokschi professional ringda jang qilish uchun mamlakatdan qochib ketdi

Olimpiya o‘yinlari chempioni, kubalik bokschi Endi Kruz professional ringda jang qilish uchun o‘z yurtidan qochib ketdi, deb xabar berdi jurnalist Villi Suares.

"Endi professional boks yo‘lida. Uni kecha turnirda kutishgandi, biroq u ko‘rinish bermadi. Endi Kubadan ketdi. U yosh va nihoyat yorqin kelajak uchun kurashni boshladi.

Kuba - iste’dodlar makoni. Har qadamda Olimpiada chempioni va jahon chempioni bo‘lishi mumkin bo‘lgan bokschilar tug‘iladi. Ammo ularni ota-onalari ham yashamaydigan tarzda o‘ylashga va yashashga majbur qilib bo‘lmaydi", - deydi jurnalist.