Italiya A Seriyasining 32-turida “Spetsiya” o‘z maydonida “Monsa” jamoasini qabul qiladi. Bu yilgi chempionatda har ikki jamoa o‘ziga yarasha vazifalarni bajarmoqda.
“Spetsiya” yuqori diviziondagi o‘rnini saqlab qolish uchun kurashishga majbur. Liguriyaliklarni xavfli hududdan bir ochko ajratib turibdi xolos. Xavli zonadagi uchta jamoa keyingi o‘yinlarda ochko jamg‘ara boshladi. “Spetsiya” esa aksincha, ochko ulashishda davom etyapti. Shu tariqa, bir necha tur avval quyidagi jamoalarni ajratib turgan besh-olti ochkolik farq yo‘qqa chiqarildi.
“Monsa” avvallari autsayder hisoblanardi. Bu gal ular musobaqa jadvalining o‘rtasidan joy olgan. Garchi bu jamoa Yevrokuboklarga da’vogarlik qila olmasada, A Seriyadan tushib ketish xavfidan qutilib qolgan.
“Spetsiya” bosh murabbiyi Leonardo Semplichi jamoasi yetarli darajada g‘alaba qozona olmagayotganiga yarasha muhim uchrashuv oldidan asosiy to‘puraridan ayrildi. Mavsumda 26 marotaba maydonga tushib, 13 ta gol urgan Mbala Nzola jismoniy holatidagi muammo tufayli jamoaga yordam bera olmaydi.
Shuningdek, endi asosiy tarkibdagi joyini ajratib olgan Daniel Maldinining o‘tgan uchrashuvda olgan jarohati jiddiy bo‘lib chiqdi. Qo‘shimcha o‘tkazilgan chuqurlashtirilgan tibbiy ko‘rik Maldinilar sulolasining kenja vakili uchun mavsum yakunlanganini ko‘rsatdi.
Italiya futbolini yoritib borayotgan www.fantacalcio.it sayti “Monsa” bilan bo‘ladigan bahsda Leonardo Semplichi asosiy hujumchi sifatida Eldor Shomurodovni o‘ynatishga qaror qilgani haqida ma’lumot tarqatdi.
Xususan, Semplichining o‘zi ham o‘yinoldi matbuot anjumanida bunga urg‘u bergan edi.
- Hujum chizig‘idagi variantlarimizdan biri Eldor Shomurodov hisoblanadi. Men Eldorni qolganlardan yaxshiroq bilaman. “Salernitana” bilan bo‘lgan uchrashuvda gol urganidan keyin men unga yetarli darajada o‘yin amaliyoti bermadim. Shunga qaramay, Shomurodov katta ishtiyoq va alohida e’tibor bilan mashg‘ulotlarda juda ko‘p mehnat qilyapti. Eldor nimalarga qodirligini isbotlashga tayyorlanmoqda. Bo‘lajak o‘yin arafasida bu muhim tanlov bo‘ladi, - dedi Leonardo Semplichi.
Darhaqiqat, legionerimizga muxlislik qilayotgan futbol ishqibozlari Eldr Shomurodovga bo‘lgan ishonchini yo‘qotgani yo‘q va hujumchimizdan yana gollar kutmoqda.
Italiya nashrlarining ta’kidlashicha, Shomurodov “Monsa”ga qarshi bahsni Mbala o‘rniga markaziy hujumchi ampluasida ilk daqiqadan boshlashi kutilmoqda. Unga qanotlarda Emmanuel Gyasi va Daniele Verde yordam berishi rejalashtirilgan.
Italiya futboli tahlilchilari Semplichi jamoasida yuqoridagi uch futbolchidan tashqari, jarohatidan qutilgan darvozabon Bartlomey Dragovski, Albin Ekdal, Mehdi Burabiya, Salvatore Espozito, Itan Ampadu, Dimitrios Nikolau, Kelvin Amyan va Simone Bastone boshlang‘ich tarkibda maydonga tushishini taxmin qilmoqda.
“Spetsiya” o‘z tarixida “Monsa” bilan jami besh marotaba to‘qnash kelgan. Shu o‘yinlardan to‘rttasi S Seriyada bo‘lgan. Quyi ligadagi o‘yinlarda liguriyaliklarning qo‘li baland kelib, ikkitadan g‘alaba va durang qayd etgan.
A Seriyada bu jamoalar bir marotaba kuch sinashdi. Bu bahs birinchi davrada “Monsa” maydonida bo‘ldi. Unda mezbonlar 2:0 hisobida zafar quchib, “Spetsiya” ustidan ilk bor g‘alaba qozondi.
“Spetsiya” va “Monsa” o‘rtasidagi uchrashuv 28 aprel kuni Toshkent vaqti bilan 23:45 da boshlanadi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
