"Neftchi" jamoasi 3 nafar futbolchi bilan xayrlashganini ma’lum qildi. Bu haqda klub matbuot xizmati xabar bermoqda.
"Joriy mavsum tugayotganligi va yangi futbol mavsumiga tayyorgarlik yaqinlashayotganligi munosabati bilan ayrim futbolchilar o‘zlari yoqtirgan jamoalar bilan kelishib, hozirgacha faoliyat yuritgan klublari bilan xayrlashmoqdalar. Bunday futbolchilar "Neftchi"da ham bor.
Jamoa rahbariyati va mutaxassislari klubni tark etayotgan Vladimir Nazarov, Ulug‘bek Xoshimov, Nodirxon Ne’matxonov va boshqalarga Farg‘ona futbolini rivojlantirishga qo‘shgan munosib hissalari uchun samimiy minnatdorchilik bildirib, yangi jamoalarida yangi muvaffaqiyatlarga erishishlarini tilab qoladilar", - deyiladi xabarda.
Shu tariqa, Xoshimov, Nazarov va Ne’matxonov kelasi mavsum boshqa klublar safida harakat qiladi.
“Zamin” yangiliklarini “Telegram”da kuzatib boring
