SSKA futbolchisi Abbosbek Fayzullayevning intervyusini o‘zbekistonlik futbol ishqibozlari e’tiboriga havola etamiz.
- Olimpiya o‘yinlari haqidagi hissiyotlar ijobiy, lekin natijalarimiz xafa qildi. Biz uyga medallar bilan qaytmoqchi edik. Juda katta ishtiyoq bilan tayyorgarlik ko‘rgandik.
Bu turnirni uzoq kutdik. Bu xuddi jahon chempionatida o‘ynashga o‘xshaydi.
Men stadionga kelib, O‘zbekistondan turib bizni qo‘llab-quvvatlagan muxlislarga minnatdorlik bildirmoqchiman. Biz ularning qo‘llab-quvvatlashlarini his qilib turdik.
Biz ilk bor Olimpiadaga chiqdik va bu turnir juda yaxshi tajriba bo‘ldi. Keyingi Olimpiadalarda jamoalarimiz yanada kuchli bo‘ladi.
- Baxtiyor Zaynutdinov bilan aloqani ushlab turibsanmi?
- Yaqinda u bilan suhbatlashgandik. Menda hammasi joyida, dedi. Turkiyadagi yangi mavsumga tayyorgarlik ko‘ryapti, ishlayapti. Men unga muvaffaqiyat tilayman, “Beshiktosh”da ham asosiy o‘yinchiga aylansin va Qozog‘istondagi o‘zining muxlislarini xursand qilib yuraversin.
- “Zenit” Baxtiyor Zuynutdinovni olishi mumkinligi haqida yozishgandi...
- Ha o‘qidim. Lekin u yerda nimalar bo‘layotganini bilmayman.
- Hozir qaysi terma jamoa zo‘r – O‘zbekistonmi yoki Qozog‘iston?
- Ayni paytda biz kuchliroqmiz. Bizda avlodlar almashinuvi bo‘ldi. Terma jamoamizda tajribali va yosh o‘yinchilar bor, ular juda yaxshi uyg‘unlashgan.
Oldimizda jahon chempionatining saralash o‘yinlari bor. 10 ta uchrashuvda biz borimizni berib, vazifani bajarishimiz va jahon chempionatiga chiqishimiz kerak.
- “Zenit”dagi Nurali Alip haqida nimalar deya olasan?
- Ajoyib yigit. “Zenit” bilan o‘ynaganimizda u bilan gaplashdim. Bir marta biz, bir marta ular yutdi. Unga omad tilayman. Nurali yaxshi yigit.
- Matbuotda Alipga “Manchester Yunayted” va PSJ qiziqayotgani yozilgandi...
- Ha, men ham o‘qidim, albatta. Uning saviyasi yaxshi darajada. Agar ular Alipni sotib olsa, u yerda yaxshi o‘ynab keta olsa kerak.
- Rostini ayt, “Bavariya”ga o‘tasanmi?
- Bunaqa ovozalar doim bo‘ladi. Ayniqsa, transfer oynasi ochilishi bilan ko‘payib ketadi. Men hozir SSKAdaman, shartnomam bor.
- SSKA rahbariyati seni Olimpiadaga qo‘yib yuborgani uchun ulardan minnatdor bo‘lsang kerak?
- Ha albatta, ularga meni qo‘yib yuborishgani uchun katta rahmat. Olimpiadaga jo‘natishmasligi ham mumkin edi. Lekin ular bunaqa musobaqalar hayotda bir marta bo‘lishini yaxshi tushunishadi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Italiya sudi Quddus Isroil poytaxti emasligi haqida qaror chiqardi
Shavkat Mirziyoyev Rossiya bosh prokurori bilan uchrashuv o‘tkazdi
22 noyabr kuni Cobalt avtomobiliga shartnoma ochilishi e’lon qilindi
2026 yilda bo‘lajak mundialning favoritlari reytingi taqdim etildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
