Superliganing 14-turi doirasida qoldirilgan "Paxtakor" - "Surxon" bahsidan keyingi matbuot anjumanida mehmonlar bosh murabbiyi Fevzi Davletov ishtirok etdi.
- Bu o‘yinning qanchalik muhimligini bilardik. G‘alaba qozonsak "Paxtakor"ga yetib olardik. Safardagi o‘yinda ko‘p kuch yo‘qotdik, shu sababli yigitlarni nafaqat jismonan, balki ruhan ham tayyorlash kerak edi. Bugun ham katta kuch sarf qildik. Epizodlar bizning foydamizga ishladi, asosiy vaqtimizni himoyada o‘tkazdik. Gol urib olganimizdan keyin qarshi hujumlarni yanada rivojlantirishni o‘yladik. Ikkinchi bo‘limda esa biz o‘z hududimizdan chiqmadik. Yigitlarni yaxshi o‘yin va g‘alaba bilan tabriklayman. Muxlislarga ham rahmat aytaman. Ular bizni qo‘llab turishdi.
- O‘yin "Surxon" uchun ataldi desak bo‘ladimi? Chunki barchasi jamoaning qulayligi uchun qilindi.
- Fikringizga qo‘shilaman. Bizda yo‘llar ko‘p kuchni olib qo‘ymoqda. Barchasi to‘ppa-to‘g‘ri.
- Davron Merganovni klub qayerdan topgan? U bugun ajoyib o‘yin o‘tkazdi.
- Davron Merganov Surxondaryo futbol maktabi tarbiyalanuvchisi. Bugun u zo‘r o‘ynadi. Menimcha, uning vaqti keldi. Yo‘ldoshevni bilasizlar, ayni damda jarohatda. Shu sababli zahira posbonimizga tayanyapmiz. Uni maqtayman.
- "Paxtakor" qaysi tarkibda o‘ynashidan qat’iy nazar o‘yinlarda favorit maqomida bo‘ladi. Lekin "Surxon" ayni damda yuqori holatda. So‘nggi 5 o‘yinda jamoa g‘alabaga erishdi. Futbolchilarni bu o‘yinlarga tayyorlash qanday ketmoqda?
- Yigitlarni "Paxtakor" bilan o‘yin uchun alohida ruhiy tayyorlash kerak emas. Barchamiz raqibning kimligini bilib turibmiz. G‘alaba qozonishni hammamiz istadik. Ular buni yaxshi tushunib turishgandi va buni uddalashdi.
- Fan-klub bugun Jahongir Abdusalomov uchun performans tayyorlabdi.
- Abdusalomov bugun maydonga tushishi 50ga 50 edi. U o‘z o‘yini bilan jamoaning yetakchisi ekanligini namoyish qilmoqda.
- Sobiq futbolchingiz Ulug‘bek Hoshimov haqida nimalar deya olasiz?
- Endi u bizning futbolchi emas. Ortiqcha biror nima deya olmayman. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Britaniya diplomati hukumat Isroilga qurol sotgani uchun iste’foga chiqdi
Superliga. "So‘g‘diyona" safarda "Neftchi"ni yirik hisobda mag‘lub etdi
Svetlana Osipova: “Olimpiada sabab jarrohlik amaliyotini kechiktirdik”
Zelenskiy: Ukraina Kursk viloyatida bufer zona yaratmoqda
Tramp prezidentlik saylovida g‘alaba qozonsa Ilon Maskka Oq uydan lavozim taklif qiladi
Nodirbek Abdusattorov mukofot jamg‘armasi 350 ming AQSH dollari bo‘lgan turnirda o‘z ishtirokini boshladi
Prezident Nukusdagi “Oqqush” majmuasida tashkil etilgan o‘tovlar ko‘rgazmasini ko‘zdan kechirdi
Ekspert Rossiya va Markaziy Osiyoda maymunchechakning tarqalish xavfini baholadi
