10
Murodjon Ahmadaliyev Naoya Inoueni keskin tanqid qildi: "Agar u bu jangni xohlamasa, unvonni bo‘shatib qo‘ysin!"
Birinchi yarim yengil vazn toifasida sobiq jahon chempioni Murodjon Ahmadaliyev (12-1, 9 KO) shu vaznda amaldagi mutlaq jahon chempioni Naoya Inouega (28-0, 25 KO) ochiqchasiga murojaat qilib, o‘z jangi haqida qaror qabul qilishni talab qildi. WBA chempionlik kamari uchun da’vogar hisoblangan Ahmadaliyev yaponiyalik bokschining jangni kechiktirganidan noroziligini bildirdi.
Ahmadaliyevning ta’kidlashicha, WBA iyun oyida unga Inoue bilan jang o‘tkazishga ruxsat bergan, ammo Yaponiya tomoni muzokaralardan qochmoqda.
"Vaziyat tushunarsiz, – deydi o‘zbekistonlik bokschi – Men majburiy raqib maqomini oldim va Inoue men bilan jang qilishga majbur. Biz muloqotga ochiqmiz va dunyoning istalgan nuqtasida jang qilishga tayyormiz. Mening butun faoliyatim davomida raqiblar hududida janglar o‘tkazdim va men buni hech qachon muammo deb hisoblamaganman."
Shuningdek, Ahmadaliyev Inoueni jang sanasi va joyini belgilashga yoki WBA kamarini bo‘shatishga chaqirdi.
"Agar u qandaydir sabablarga ko‘ra bu jangni xohlamasa yoki jamoasi hech qanday qadam tashlamasa - unvonni bo‘shatib qo‘ysin. Qoidalar hamma uchun bir xil. Kanelo Skullga qarshi majburiy himoya uchun Berlanga jangini tanlagani uchun IBF unvonidan mahrum qilindi. Nima uchun Inouye farqli standartlarga ega? Bu kamar haqli ravishda menga tegishli, deb hisoblayman, chunki Marlon Tapales bilan jangda hakamlarning nohaq qarori tufayli g‘alabadan mahrum bo‘ldim. Men o‘zimni hali ham chempiondek his qilyapman va buni Inouega qarshi ringda isbotlashga tayyorman, chunki g‘alabamga ishonchim komil."
Ahmadaliyev Inoueni mag‘lub eta oladigan yagona bokschi ekanligiga ishonch bildirdi.
“Men super vazn toifasida eng yaxshisiman va buni butun dunyo biladi. Albatta, Inoueni kuchli jangchi sifatida hurmat qilaman, lekin uning qilayotgan ishlari bu unvonga to‘g‘ri kelmayapti. Uni dunyoning eng yaxshi bokschisi deb atashadi, ammo qanday qilib dunyodagi eng yaxshi bokschi majburiy raqib bilan jang qilishdan qochishi mumkin? U men bilan jang qilishni va kamarni bo‘shatishni istamasligini tan olsin."
Ma’lumot uchun, bu yil Inoue o‘z kamarlarini ikki marotaba muvaffaqiyatli himoya qildi va Lui Neri hamda Ti Jey Doxeynini mag‘lub etdi. Yaponlar dekabr oyidagi rejalariga IBF chempioni Sem Gudmanga qarshi jang o‘tkazishni kiritgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Hindistonda 50 dan ortiq dori-darmonlar sifatida muammo aniqlandi
Ukraina QK Dnepr deltasidagi eng yirik orollardan chiqarib yuborildi
Yaqin Sharq katta urush ostonasidami?
Stoltenberg: “Rossiya NATOni qo‘rqitishga harakat qilmoqda”
Zelenskiyning AQSHga tashrifi: Tramp «Ukraina endi yo‘qligi»ni aytdi
Dunyodagi eng baxtli shaharlar reytingi e’lon qilindi
Lukashenko NATO davlatlariga yadroviy zarba berishga tayyorligini ma’lum qildi
"Paxtakor" va "Nasaf" ikkinchi imtihonga tayyormi?