TOP-5 ligalarida oʻynay oladigan oʻzbek futbolchilari roʻyxati e'lon qilindi

Futbol sohasida tadqiqot olib borayotgan CIES Football Observatory tashkiloti Evropaning eng kuchli besh ligasi – Angliya, Ispaniya, Germaniya, Italiya va Fransiya chempionatlarida oʻynab ketishi mumkin boʻlgan 23 yoshgacha futbolchilar roʻyxatini e'lon qildi.

Ushbu tadqiqotda dunyoning 60 ligasida toʻp tepayotgan iste'dodli yosh futbolchilar qamrab olindi. Roʻyxatni tuzishda yosh oʻyinchilarning oxirgi yildagi oʻyin vaqti, uchrashuvlar darajasi va turli koʻrsatkichlar asos qilib olindi.

Jahon miqyosidagi umumiy reytingda kuchli beshlik chempionatlariga koʻchib oʻtish imkoniyati eng yuqori hisoblangan oʻyinchi “Sporting” vakili Zeno Debast boʻldi. Belgiya terma jamoasi a'zosidan keyingi oʻrinlarni PSV futbolchilari – Rayan Flamingo va Malik Tillman egalladi.

CIES Football Observatory ekspertlari tomonidan har bir milliy ligalar boʻyicha ham “top-5” ligalarida oʻynash imkoniyatiga ega 23 yoshgacha boʻlgan futbolchilar reytingi shakllantirildi.

Oʻzbekiston milliy terma jamoasi hujumkor futbolchisi Rossiya Premer-ligasidan eng kuchli chempionatlarga yoʻl olishi mumkin boʻlgan oʻn nafar futbolchi qatoriga kiritildi.

Rossiya Premer-ligasining eng iqtidorli oʻyinchilari reytingi quyidagicha koʻrinish oldi:
- Manfred Ugalde (“Spartak”)
- Sergey Pinyayev (“Lokomotiv”)
- Konstantin Tyukavin (“Dinamo”)
- Pedro (“Zenit”)
- Daniil Denisov (“Spartak”)
- Aleksey Batrakov (“Lokomotiv”)
- Abbosbek Fayzullayev (SSKA)
- Artem Karpukas (“Lokomotiv”)
- Andrey Langovich (“Rostov”)
- Kirill Shetinin (“Rostov”)

Oʻz navbatida, tadqiqot markazi Oʻzbekiston Superligasida 2024 yilni yuqori saviyada oʻtkazgan va hali “top-5” ligalarida oʻynashi mumkin boʻlgan 23 yoshgacha futbolchilar roʻyxatini ham tuzdi.

Unga koʻra, quyidagi iste'dodli oʻyinchilarimiz faoliyatida ijobiy oʻzgarishlar boʻlishi ehtimoli bor:
- Diyor Xolmatov (“Paxtakor”)
- Abdurauf Boʻriyev (“Paxtakor”)
- Aziz Xolmurodov (“OTMK Olmaliq”)
- Zafarmurod Abdurahmatov (“Nasaf”)
- Nodir Soyibov (“Soʻgʻdiyona”)
- Samandar Mavlonqulov (“Soʻgʻdiyona”)
- Murodbek Rahmatov (“Nasaf”)
- Xondamir Mustafoqulov (“Soʻgʻdiyona”)
- Muhammadrasul Abdumajidov (“Paxtakor”)
- Mahmud Maxamadjonov (“Paxtakor”). “Zamin” yangiliklarini “Telegram”da kuzatib boring