"Bunyodkor" murabbiylar shtabida italiyalik mutaxassislar ish boshladi

Xabaringiz bor, "Bunyodkor" jamoasi Antaliyada yigʻinga kirishadi. Klub murabbiylar shtabida italiyalik mutaxassislar ish boshladi. Bu haqda "qaldirgʻochlar" matbuoti xabar berdi.

"Ertaga qishki oʻquv-mashgʻulot yigʻinini oʻtkazish uchun Turkiyaning Antaliya shahriga uchib ketadigan bosh jamoamiz murabbiylar shtabida italiyalik mutaxassislar ish boshladi.

Jismoniy tayyorgarlik boʻyicha murabbiy Alessandro Spinoglio muxlislarimizga yaxshi tanish. Mutaxassis oʻtgan mavsumning ikkinchi qismidan boshlab "Bunyodkor"da faoliyat yuritib keladi. Murabbiyning yarim yillik faoliyati rahbariyat va bosh murabbiyga ma'qul keldi va shu bois u bilan tuzilgan shartnoma oʻzaro kelishuvga koʻra uzaytirildi.

Shuningdek, Karlo Alberto Bertone va Andres Karlo Moauro ham faoliyatini jamoamiz bilan bogʻladi. Karlo Alberto tahlilchi vazifasini bajarsa, Andres Moauro futbolchilarning jismoniy tayyorgarligiga javob beradi. Spinogliodan farqli ravishda Moauro futbolchilar bilan yakka tartibda shugʻullanadi", - deyiladi xabarda. “Zamin” yangiliklarini “Telegram”da kuzatib boring