Abduqodir Husanovning «Bunyodkor»dan qanday ketgani haqida asl haqiqat oshkor qilindi

Abduqodir Husanovning birinchi murabbiyi Sergey Chigodayev «Fint Turayeva» podkastida futbolchini «Bunyodkor» akademiyasini qanday tark etgani haqida gapirdi.

- Menga tez-tez shunday savol berishadi: Husanov nega «Bunyodkor» akademiyasidan chetlatildi? Ammo haqiqat shundaki, uni u erdan hech kim chetlatmagan. U U-18 jamoasida oʻynardi va asta-sekin U-21 (Bunyodkor oʻrinbosarlar jamoasi) safida maydonga tusha boshladi. Husanov U-18 tarkibida kam oʻynagani uchun uni Belarusga yuborishga qaror qilindi.

Abduqodirni 7-8 yoshidan bilaman. Shunda ham u ajoyib tezlikka ega edi. Bu futbolchi uchun juda muhim sifat. Tezlik «tabiat tomonidan» beriladi. Abduqodir 2004 yil, lekin 2002 yil jamoasida oʻynagan. Yoshlar futbolida bir yosh katta farq hisoblanadi, biroq Husanov oʻzidan ikki yosh kattalar bilan shugʻullanardi. “Zamin” yangiliklarini “Telegram”da kuzatib boring