“Borussiya” g‘alaba qildi, ammo yarim final yo‘llanmasi “Barselona”ga nasib etdi

UEFA Chempionlar Ligasi chorak final javob o‘yinida “Borussiya Dortmund” o‘z maydonida “Barselona” ustidan 3:1 hisobida g‘alaba qozondi. Biroq umumiy hisobda 3:5 bo‘lgani bois yarim finalga “Barselona” chiqdi.

O‘yinning qahramoni — Serhou Guirassy bo‘ldi. U 11-daqiqada penaltidan hisobni ochdi, keyin 49 va 76-daqiqalarda yana ikkita gol urdi. “Barselona” esa 54-daqiqada Rami Bensebaini tomonidan urilgan avtogol bilan bitta golga erishdi.

Statistikada “Borussiya” ustunlik qildi — 18 zarba, 11 aniq urinish, 8 ta burchak zarbasi va 83% pas aniqligi. Ammo “Barselona” 54% to‘p nazorati bilan raqibga qarshilik ko‘rsatdi. “Zamin”ni Telegramʻda oʻqing!