Italiyada chempionlik taqdiri “oltin o‘yin”da hal bo‘lishi mumkin

A Seriyada jonli va ta’sirli kurash avjida. 33-turdan so‘ng “Inter” va “Napoli” jamoalari bir xil ochko to‘plagan, shundan kelib chiqib, Italiya chempionligi “oltin uchrashuv”da hal etilishi mumkin.

Nima uchun “oltin o‘yin” kerak bo‘lishi mumkin?

Joriy mavsumda “Inter” va “Napoli” ikki marta o‘zaro to‘qnash kelgan va har ikki uchrashuv ham 1:1 hisobida durang bilan yakunlangan.

Agar 38-tur yakunlanganda jamoalar ochkolari hamon teng bo‘lib qolsa, italyan futbol qoidalariga muvofiq, chempionlik uchun qo‘shimcha “oltin uchrashuv” o‘tkaziladi.

Qachon va qayerda o‘yin bo‘lishi mumkin?

Ayni paytda ma’lum bo‘lishicha, bunday “oltin final” Rimdagi “Olimpiko” stadionida bo‘lib o‘tadi. Bu neytral maydon hisoblanadi.

Agar o‘yinning asosiy vaqtida durang qayd etilsa, qo‘shimcha vaqtsiz darhol penaltilar seriyasi o‘tkaziladi. Ya’ni chempionlik masalasi 11 metrlik zarbalar orqali hal etiladi.

Siz nima deb o‘ylaysiz — “Inter” va “Napoli” qaysi biri so‘nggi turlarda peshqadamlikni ushlab qoladi? Yo‘qsa, futbol tarixida kam uchraydigan “oltin final”ni ko‘ramizmi? “Zamin”ni Telegramʻda oʻqing!