“Atletiko”ning PSJdan uchragan yirik mag‘lubiyatidan so‘ng Simeone ochiq gapirdi

Madridning “Atletiko” klubi bosh murabbiyi Diyego Simeone PSJga qarshi Klublar o‘rtasidagi Jahon chempionatida uchralgan yirik 0:4 hisobidagi mag‘lubiyatdan keyin o‘z jamoasi o‘yiniga va raqib ustunligiga oid fikrlarini bayon etdi.

Uning ta’kidlashicha, uchrashuv ikki mutlaqo farqli bo‘limlarga bo‘lindi. “Birinchi bo‘limda PSJ katta kuch bilan harakat qildi, ular to‘pni barcha joyda nazorat qilishdi. Imkoniyatlaridan a’lo darajada foydalanishdi va to‘pga egalik qilishda bizdan ancha ustun bo‘lishdi. Shu bilan birga, hisobni tenglashtirish uchun imkoniyatimiz bo‘lgandi, lekin Grizmann o‘z imkoniyatlaridan unumli foydalana olmadi. Buning ortidan PSJ ikkinchi golni urib, ustunlikni oshirdi”, — dedi Simeone.

Mutaxassisning so‘zlariga ko‘ra, “Atletiko” futbolchilari o‘yin davomida to‘psiz harakat qilishga majbur bo‘lishdi. “To‘pga kam ega bo‘ldik, raqib esa bizning o‘yinni qurishga umuman yo‘l qo‘ymadi. Natijada, hujumlar soni ham keskin kamaydi. Futbolchilarimda ishonch va tashabbus yetishmadi, bu esa bunday yirik mag‘lubiyatga sabab bo‘ldi”, — deya ta’kidladi u.

Simeone shogirdlariga ruhan kuch va ishonchni qaytarish zarurligini, raqib bosimiga qaramay, o‘z o‘yin uslubini tiklash muhimligini ta’kidladi. “Atletiko”da hali katta imkoniyat va salohiyat bor, ammo har bir o‘yindan xulosa chiqarish, xatolar ustida ishlash zarur”, — deydi u. “Zamin”ni Telegramʻda oʻqing!