“Tottenxem” mag‘lubiyatdan qocha olmaydi — Tomas Frank ochiq gapirdi

Angliyaning mashhur “Tottenxem” klubiga yaqinda bosh murabbiy etib tayinlangan Tomas Frank ilk bayonotidayoq muxlislarni xushomadgo‘y so‘zlar bilan emas, real haqiqat bilan qarshiladi. Uning ta’kidlashicha, “shporlar” mavsum davomida mag‘lubiyatdan xalos bo‘la olmaydi, deb yozdi britan OAV.

“Tottenxemdagi birinchi kunimdayoq jamoa xodimlariga shunday dedim: sizlarga aniq bir narsani va’da qilaman — biz mag‘lubiyatsiz mavsumni o‘tkazmaymiz. Men haligacha biror jamoani ko‘rmadimki, barcha o‘yinlarda yutqazmasin”, — dedi murabbiy.

U o‘z so‘zlariga tarixiy misollar keltirdi. “Arsenal” haqida gapirmoqchi bo‘ldi, biroq o‘zini to‘xtatdi. Shundan so‘ng, 1889 yildagi “Preston Nort End” jamoasini tilga oldi — Premer-liga tarixidagi yagona jamoa bo‘lib, mavsumni mag‘lubiyatsiz yakunlagan. Frank sho‘xlik bilan buni “yangi murabbiylar qiladigan birinchi xatolardan biri” deya izohladi.

Tomas Frankning bu gaplari muxlislarda har xil fikr uyg‘otdi. Bir tomondan, bu so‘zlar orqali murabbiy jamoaga yolg‘on umid uyg‘otmaslikni tanlaganini ko‘rishimiz mumkin. Boshqa tomondan esa, bu ochiqchasiga tan olish — futbolchilar va xodimlardan haqiqatga yaqin yondashuvni talab qilayotganidan dalolat.

Eslatib o‘tamiz, “Tottenxem” o‘tgan mavsum Premer-ligada 38 uchrashuvdan 22 tasida mag‘lub bo‘lib, jadvalda 17-o‘rinni egalladi. Bu natijadan so‘ng klubda katta o‘zgarishlar boshlandi va Tomas Frankning tayinlanishi ham aynan shunday fonda yuz berdi.

Frank o‘z ish uslubi bilan “Brentford”da muxlislar hurmatini qozongan murabbiylardan biri. Endi esa u “Tottenxem”dek katta bosim ostidagi klubda o‘zini ko‘rsatishi kerak bo‘ladi. Uning oldidagi asosiy vazifa — jamoani qayta tiklash, g‘alabali ruhni shakllantirish va muxlislarga ishonch uyg‘otishdir.

“Tottenxem”ning yangi sahifasi boshlandi. Endi barchasi Frankning rahbarligida qanday natijalar qayd etilishga bog‘liq. Ammo u allaqachon bir narsani aniq qilib aytdi — mag‘lubiyatlar bo‘ladi, lekin ulardan saboq olish kerak. “Zamin”ni Telegramʻda oʻqing!