FIFA 2026 yilgi Jahon chempionatini yanada tomoshabop, yanada intrigali va muxlislar kuzatuviga boy qilish maqsadida musobaqaga yangi tartib joriy etdi. Ushbu tizimga ko‘ra, agar jahon reytingidagi eng kuchli to‘rtta terma jamoa pley-off bosqichiga yo‘l olsa, ularning yo‘li shunday tuziladiki — ushbu grandlar yarim finalgacha bir-biri bilan to‘qnash kelmaydi.
Ya’ni, raqiblar tanlanishidagi markaziy maqsad — favoritlar o‘rtasidagi so‘nggi bosqichdagi katta to‘qnashuvlarni saqlab qolish, muxlislar intiq bo‘lib kutadigan “super duellar”ni chamalab rejalashtirishdir. Bu o‘z navbatida chempionatning dramatik ruhini ham, televizion auditoriyani ham yanada oshiradi.
Ayni paytdagi FIFA reytingiga ko‘ra, Ispaniya, Argentina, Fransiya va Angliya terma jamoalari kuchli to‘rtlikni shakllantiryapti. Demak, ular mundivl davomida pley-offning dastlabki bosqichlarida bir-birini “chetlatmasdan”, faqat 1/2 finaldan keyingina to‘qnashuvi mumkin bo‘ladi. Bu esa jamoalar uchun ham, turnirning marketing qiymati uchun ham juda katta afzallik.
Shu bilan birga, 2026 yilgi Jahon chempionati AQSH, Kanada va Meksikada o‘tadi. Musobaqaga qur’a tashlash marosimi 5-dekabr kuni bo‘lib o‘tadi. Unda O‘zbekiston futbol assotsiatsiyasi rahbariyati, milliy terma jamoa bosh murabbiyi Fabio Kannavaro, murabbiylar shtabi a’zolari hamda o‘zbek futboli afsonasi Mirjalol Qosimovning ishtirok etishi alohida qayd etilgan.
Bu marosim nafaqat guruhlar taqdiri, balki butun mundial ssenariysi uchun start nuqtasi bo‘ladi. Futbol olami esa hozirdanoq 2026 yilgi chempionat qanday intrigalar va “super to‘qnashuvlar”ni taqdim etishini kutmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
