“Milan” bosh murabbiyi Massimiliano Allegri A Seriyada “Kalyari” ustidan qo‘lga kiritilgan 1:0 hisobidagi g‘alabadan keyin o‘yin haqida fikr bildirdi. Bu haqda euro-football.ru xabar beradi.
Uchrashuvdagi yagona gol 50-daqiqada Rafael Leauning aniq zarbasi evaziga kiritildi va “rossoneri”ga muhim uch ochkoni taqdim etdi.
Allegri matbuot anjumanida jamoasi bahsni sust boshlaganini yashirmadi: dastlabki 35 daqiqada “Milan” yetarlicha faol ko‘rinmadi, “Kalyari” esa hujumda tashabbus ko‘rsatib, muammolar tug‘dirdi. Murabbiy tanaffusdan keyin o‘yin ancha yaxshilangani, biroq ishlash kerak bo‘lgan jihatlar hali ko‘pligini ta’kidladi.
G‘alabadan so‘ng “Milan” 38 ochko bilan turnir jadvalida yana peshqadamlikni qo‘lga oldi. Shunga qaramay, “Inter” (36) va “Napoli” (34)ning bittadan zaxira uchrashuvi bor.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
