Rossiya terma jamoasining sobiq hujumchisi Dmitriy Bulykin Ozarbayjonning “Karabah” klubini joriy UEFA Chempionlar ligasi mavsumining eng katta kashfiyoti sifatida e’tirof etdi. Bu haqda euro-football.ru xabar beradi.
Bulykin fikricha, jamoaning asosiy quroli — o‘ta yuqori fidoyilik. “Karabah”ning muvaffaqiyat siri ko‘pchilik uchun noma’lum, raqiblar esa ularga yetarlicha jiddiy tayyorgarlik ko‘rmasligi fonida ozarbayjonliklar ochkolar jamg‘arib bormoqda”, — deya uning so‘zlarini “Gazeta.Ru” keltirdi.
Eslatib o‘tamiz, umumiy bosqichning 8-turi oldidan “Karabah” 10 ochko bilan 18-o‘rinda bormoqda. Shu bilan birga, 25-o‘rindan farq atigi ikki ochkoni tashkil etadi. Hal qiluvchi uchrashuvda “Karabah” safarda “Liverpul”ga qarshi maydonga tushadi.
“Zamin”ni Telegramʻda oʻqing!
