Rossiya terma jamoasining mart oyidagi yig'iniga besh hafta qoldi. Rossiya futbol ittifoqi hozircha Valeriy Karpin boshqaruvidagi jamoa bahorda kimga qarshi maydonga tushishini rasman e'lon qilgani yo'q. Bu haqda euro-football.ru xabar beradi.
Shunga qaramay, OAVda Rossiyaning navbatdagi raqiblari sifatida Mali va Gvatemala terma jamoalari tilga olinmoqda. Biroq bu ma'lumotlar hozircha tasdiqlanmagan.
«Sport-Ekspress» xabariga ko'ra, mart oyiga yana bir variant ham taklif qilingan: Rossiyaga Gambiaga qarshi o'rtoqlik uchrashuvi o'tkazish taklifi tushgan. FIFA reytingida 116-o'rinda turgan bu terma jamoa Rossiyaga qarshi o'ynashga tayyor ekanini bildirgan.
Eslatib o'tamiz, RFUga nisbatan UEFA va FIFA tomonidan joriy etilgan cheklovlar deyarli to'rt yildan beri amalda.
“Zamin”ni Telegramʻda oʻqing!
