Yevropa Chempionlar ligasi pley-off bosqichida Italiyanning «Atalanta» jamoasi safarda Dortmundning «Borussiya» klubiga qarshi bahs olib boradi. Uchrashuv oldidan belgiyalik yarim himoyachi Marten de Ron raqib nomi jamoaga bosim qilmayotganini ta'kidladi. Bu haqda euro-football.ru xabar beradi.
De Ronning fikricha, «Borussiya» kuchli jamoa: ko'p gol uradi, biroq himoyada ham xatolarga yo'l qo'yishi mumkin. «Biz diqqatni bir lahza ham yo'qotmasligimiz kerak. Bilbao bilan o'yindagidek bo'shashib qolmasdan, 90 daqiqa davomida bir maromda o'ynash shart. Biz hech kimdan qo'rqmaymiz», — deya uning so'zlarini calcionapoli1926.it keltirdi.
Jamoalar o'rtasidagi ilk uchrashuv 17 fevral kuni Germaniyada bo'lib o'tadi, javob bahsi esa 25 fevral kuni Bergamoda tashkil etiladi.
“Zamin”ni Telegramʻda oʻqing!
