Gvatemala futbol federatsiyasi prezidenti Xerarado Pais Rossiya terma jamoasiga qarshi o'rtoqlik uchrashuvi o'tkazilishi haqidagi xabarlarga munosabat bildirdi. Avvalroq OAVda BetBoom doirasidagi nazorat o'yini 31 mart kuni Sankt-Peterburgda bo'lib o'tishi mumkinligi haqida ma'lumot tarqalgan edi. Bu haqda euro-football.ru xabar beradi.
Paisning so'zlariga ko'ra, Gvatemala mart oyidagi taqvimini allaqachon shakllantirib bo'lgan: terma jamoa Jazoir va Peru bilan belgilangan uchrashuvlarni o'tkazadi. Rossiya tomoni o'yin taklif qilgan bo'lsa-da, avvaldan boshqa raqiblar bilan kelishuvlar mavjudligi sababli gvatemalaliklar taklifni rad etishga majbur bo'lgan.
Shu bilan birga, federatsiya rahbari tomonlar muzokaralarga keyinroq qaytishi mumkinligini ham istisno qilmadi: uchrashuvni jahon chempionatidan keyin kelishib olish ehtimoli bor. Rossiya va Gvatemala terma jamoalari hozirgacha o'zaro maydonga tushmagan, gvatemalaliklar esa FIFA reytingida 94-o'rinda turibdi.
“Zamin”ni Telegramʻda oʻqing!
