«Liverpul» himoyachisi Jeremi Frimpong jamoaning joriy mavsumdagi natijalarini muvaffaqiyatsizlik deb hisoblamaydi. «PSJ»dan uchralgan mag'lubiyatdan so'ng jamoa Chempionlar ligasini tark etdi va sovrinsiz qolishi deyarli aniq bo'ldi. Bu haqda Goal.com xabar beradi.
Biroq futbolchi NBA yulduzi Yanis Antetokunmpo misolida bu holatni muvaffaqiyat sari yo'l deb atadi.
Frimpongning so'zlariga ko'ra, doimiy ravishda g'alaba qozonishning imkoni yo'q va ba'zida qaytadan kuchli jamoa tuzish uchun bunday vaziyatlardan o'tish kerak. U Maykl Jordan ham har doim finallarda g'alaba qozonmaganini, ammo bu uning faoliyatini qadrsizlantirmasligini ta'kidladi.
Futbolchi har qanday umidsizlikka qaramay, bu jarayonni rivojlanish bosqichi deb biladi.
Angliyadagi debyut mavsumida Frimpong uch marta jarohat oldi va bu uning o'yiniga ta'sir qildi. Himoyachi jamoada hech kim yutqazishni yoqtirmasligini, ammo «Liverpul» kiyinish xonasida standartlar pasaymaganini aytdi.
Uning fikricha, agar jamoa Angliya kubogi yoki Chempionlar ligasida g'olib chiqqanida, vaziyat bunchalik yomon ko'rinmas edi.
Shuningdek, Frimpong «Bayer»dan birga kelgan jamoadoshi Florian Virts haqida ham to'xtaldi. U Virtsning mahoratiga shubha qilmasligini va u tez orada o'zining eng yaxshi formasiga qaytishini bildirdi.
Himoyachi sardor Virjil van Deykning maslahatlariga tayanib, «Liverpul»da qolishni va jamoa bilan yangi muvaffaqiyatlarga erishishni istashini qo'shimcha qildi.
“Zamin”ni Telegramʻda oʻqing!
