Yaponiya Shvetsiya bilan durang o‘ynab, ikkinchi o‘rinni egalladi (video)

2026 yilgi jahon chempionatida guruh bosqichining 3-tur uchrashuvlari davom etmoqda. «F» guruhida Yaponiya va Shvetsiya milliy jamoalari 1:1 hisobida durang o‘ynadi.

Birinchi bo‘limda jamoalar ehtiyotkor harakat qildi va hisob ochilmadi. Asosiy voqealar tanaffusdan keyin sodir bo‘ldi.

56-daqiqada Maeda Yaponiyani oldinga olib chiqdi. Biroq osiyoliklarning ustunligi uzoqqa cho‘zilmadi. 62-daqiqada Elanga javob golini urib, hisobni tenglashtirdi.

Qolgan vaqtda har ikki jamoa g‘alaba golini urishga harakat qildi, ammo natija o‘zgarmadi. Shu tariqa, Yaponiya va Shvetsiya bir ochkodan qo‘lga kiritdi.

JCH-2026. «F» guruhi, 3-tur

Yaponiya — Shvetsiya — 1:1

Gollar: Maeda, 56 — Elanga, 62.

Yaponiya: Suzuki, Seko (Vatanabe, 75), Itakura, Ito, Sugavara, Tanaka, Kamada, Nakamura (Nagatomo, 75), Doan (Ito, 67), Maeda, Ueda.

Shvetsiya: Zetterstrom, Lagerbiyelke, Hin, Gulmundsson, Bernhardsson (Svensson, 75), Lindelyof, Ayyari, Straud (Sema, 75), Elanga, Isak, Gyokeresh.

Ushbu natijadan keyin Niderlandiya 7 ochko bilan «F» guruhini birinchi o‘rinda yakunladi. Yaponiya 5 ochko to‘plab, ikkinchi pog‘onadan joy oldi.

Shvetsiya 4 ochko bilan uchinchi o‘rinni egallab, pley-off bosqichiga yo‘l oldi. Tunis esa uchala uchrashuvda ham mag‘lub bo‘lib, guruhni so‘nggi o‘rinda tugatdi.