“Chelsi” ushbu gʻalabadan soʻng birinchi oʻringa chiqib oldi

1 daqiqa o'qish3.5K
“Chelsi” ushbu gʻalabadan soʻng birinchi oʻringa chiqib oldi
Londonning “Chelsi” klubi Angliya Premyer-ligasining 8-turida “Sauthempton” ustidan gʻalabaga erishdi. Sauthemptondagi “Sent-Meri” stadionida kechgan uchrashuv mehmonlar jamoasining 3:0 hisobidagi gʻalabasi bilan yakunlandi.

Oʻyindagi birinchi gol muallifi Eden Azar boʻldi, u 30-daqiqada Ross Barklining pasini golga aylantirdi. Bu Barkli uchun London jamoasida ilk bor golli uzatma muallifi boʻlishi edi. Ikkinchi boʻlim boshida Barkli Olivye Jiruning uzatmasini golga aylantirdi. Bu uning London klubidagi ilk goli boʻldi. Oʻyin oxirida Alvaro Morata Azarning pasidan unumli foydalanib, hisobni yirik koʻrinishga keltirdi.

Bu natija evaziga “Chelsi” Premyer-liganing joriy mavsumida magʻlubiyatsiz seriyasini 8 oʻyinga yetkazdi. Bungacha Mauritsio Sarri jamoasi 5 oʻyinda gʻalaba qozonib, 2 oʻyinda durang oʻynagandi.

Ayni vaqtda “Chelsi” ochkolari sonini 20 taga yetkazib, Premyer-liga turnir jadvalida birinchi oʻringa chiqib oldi, “Sauthempton” 5 ochkosi bilan 16-oʻrinda qoldi.

Turning markaziy uchrashuvi Liverpulda “Liverpul” va “Manchester Siti” oʻrtasida boʻlib oʻtadi. Bu oʻyin natijasiga koʻra “Chelsi” yana birinchi oʻrindan tushib ketishi mumkin - har ikki jamoada ham 19tadan ochko mavjud.

Angliya chempionati
8-tur

Sauthempton – Chelsi 0:3 (0:1, 0:2)
Gollar:
0:1 – 30 Azar, 0:2 – 57 Barkli, 0:3 – 90 Morata.

Sauthempton – Makkarti, Xudt, Yosida, Bertran, Bednarek (Romeu, 46), Lemina, Xeybyerg, Redmond, Soaresh, Gabbyadini (Long, 78), Ingz.
Chelsi – Arrisabalaga, David Luiz, Alonso, Aspilikueta, Ryudiger, Barkli (Kovachich, 81), Jorjino, Villian (Pedro, 75), Kante, Azar, Jiru (Morata, 68).
Ogohlantirishlar: Bertran (45), Lemina (54), Soaresh (59), Romeu (61), Xeybyerg (66), Ingz (90).
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?