Bahrom Hakimov: "Mendan oldingi murabbiylar yomon ishlashdi demayman, ammo..."

Superliganing 24-turidan o‘rin olgan "Mash’al" - "Turon" (0:0) uchrashuvidan keyin mehmonlar bosh murabbiyi Bahrom Hakimov o‘z fikrlarini bildirdi.
"Jangovar o‘yin bo‘ldi. Yigitlarga o‘yin uchun rahmat, qo‘llaridan kelganicha harakat qilishdi, biroz omad yetishmadi. Urgan golimizni inobatga olishmadi, hali o‘sha vaziyat videosini ko‘rmadim. Agar hozir ochkolarimiz ko‘p bo‘lganida bir ochko ishladik deyishimiz mumkin edi, ammo ayni paytda yo‘qotgan ikki ochko suv va havodek zarur edi. Yomon o‘ynamadik, to‘g‘ri xatolarimiz ko‘p. Ishlash kerak, bu yil vaqtimiz ham yetmasa kerak", - deydi Bahrom Hakimov.

- "Turon" tarkibi yomon emas, yosh va tajribali futbolchilar bor. Jamoaga nima yetishmayapti?
- Mendan oldingi murabbiylar yomon ishlashdi demayman. Ammo istalgan yulduz futbolchini yangi jamoaga olib kelsangiz vaqt kerak bo‘ladi. Pro ligada o‘ynagan 5-6 futbolchi qolganida va yoniga 3-4 nafar yangi o‘yinchini qo‘shib, jamoaviy o‘yinni shakllantirsa bo‘lardi. Yigitlar har bir o‘yinga bosim bilan tushmoqda, siz ortda qolib ketib boshqalarga yetib olishingiz juda qiyin.

- "Turon" hozirdan Pro ligaga tushib ketdi deb hisoblaysizmi?
- Yo‘q, hali imkoniyatimiz bor. Oldinda ikkita tur bor. Kim ishonmasa eshigimiz ochiq bemalol ketaveringlar dedim. Oxirgi turgacha o‘ynaymiz. Bundan tashqari futbolni muxlislarimiz uchun o‘ynaymiz. Uyog‘i bir gap bo‘lar. Agar Pro ligaga tushib ketsak o‘yin uslubini yangitdan shakllantiramiz. Tarkibdagi 10-12 futbolchining shartnomasi bor ekan, bu tomonlama menga osonroq bo‘ladi. “Zamin” yangiliklarini “Odnoklassniki”da kuzatib boring