Apple kompaniyasi 2023 yilda iPhone ulagichini o‘zgartiradi

1 daqiqa o'qish1.3K
Apple kompaniyasi 2023 yilda iPhone ulagichini o‘zgartiradi
Foto: Josh Edelson /Getty Images
Amerikaning Apple kompaniyasi Yevropa Ittifoqi talab qilganidek, USB-C ulagichiga o‘tish uchun Lightning ulagichidan 2023 yildayoq voz kechadi. Bu haqda Bloomberg agentligi jurnalisti Mark Gurman xabar berdi.

«Apple ushbu qonunni bajarishga tayyorgarlik ko‘rdi. Kompaniya o‘zining eng mashhur gadjetlari uchun yangi ulagichga o‘tish muddatini osonlikcha tezlashtirdi. Masalan, iPhone 15 kelasi yil kuzdayoq USB-C ulagichi bilan ishlab chiqariladi. Bu belgilangan sanadan bir yil oldinroqdir», deb yozdi insayder.

Apple uchun Yevropa Ittifoqi talabi iPhone 16 e’lon qilinishi kutilayotgan 2024 yildan boshlab kuchga kiradi. Biroq Gurman, boshqa manbalar qatori, Apple kompaniyasi kelasi yildayoq ulagichni o‘zgartirishni rejalashtirayotganiga ishonchi komil.

Shuningdek, uning ta’kidlashicha, Apple kompaniyasi Yevropa Ittifoqi talabiga bo‘ysunayotganini ochiqchasiga tan olmoqchi emas.

«Apple o‘z sabablariga ko‘ra USB-C ulagichiga o‘tishga qaror qilganini aytishni istayapti. Ishonchim komil, Apple buni tezkor quvvatlantirish va ma’lumotlarni tezkor uzatish, shuningdek, barcha gadjetlarni quvvatlantirishda yagona yondashuv muhimligi bilan izohlaydi», — deb xulosa qildi jurnalist.

Lightning ulagichi faqat Apple kompaniyasiga xos bo‘lib, boshqa ishlab chiqaruvchilarning gadjetlariga o‘rnatilmagan. Shuningdek, boshqa ishlab chiqaruvchilarning quvvatlantiruvchi qurilmalaridan ham Apple kompaniyasi gadjetlarida foydalanish imkonsiz. USB-C universal ulagichiga o‘tish bunday noqulaylikka barham berilishini nazarda tutadi.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?