Eng koʻp sotilgan Switch oʻyinlari roʻyxati yangilandi

Nintendo kompaniyasi Switch konsolining soʻnggi savdo ma'lumotlarini e'lon qildi. 2024 yilning oxirgi choragida 4,82 millionta konsol va 53,7 millionta oʻyin sotildi. Umumiy hisobda, Nintendo Switch savdosi 150,86 millionga etdi.

Bu koʻrsatkich bilan Switch barcha davrlarning eng koʻp sotilgan uchinchi konsoli boʻlib turibdi. Ikkinchi oʻrinda 154,02 million dona sotilgan Nintendo DS joylashgan, yetakchilik esa 160 milliondan ortiq sotilgan PlayStation 2 konsoliga tegishli.

Shuningdek, Nintendo Switch oʻyinlari boʻyicha ham yangi ma'lumotlarni taqdim etdi. Umumiy hisobda, dunyo boʻylab 1,359 milliard oʻyin sotilgan. Eng koʻp sotilgan 10 ta Switch oʻyini quyidagicha:

Mario Kart 8 Deluxe — 67,35 mln
Animal Crossing: New Horizons — 47,44 mln
Super Smash Bros. Ultimate — 35,88 mln
The Legend of Zelda: Breath of the Wild — 32,62 mln
Super Mario Odyssey — 29,04 mln
Pokemon Sword and Shield — 26,60 mln
Pokemon Scarlet and Violet — 26,38 mln
The Legend of Zelda: Tears of the Kingdom — 21,55 mln
Super Mario Party — 21,10 mln
New Super Mario Bros. U Deluxe — 18,06 mln