15:06 / 13.11.2016
5 308

Ad Blocker’larni bloklash Facebook’ning desktop reklamadan daromadini 18 foizga oshirdi

Ad Blocker’larni bloklash Facebook’ning desktop reklamadan daromadini 18 foizga oshirdi
Avval Ad Blocker haqida ma’lumot: bu nom internetda reklamalarni ko‘rinmaydigan qiladigan dasturlar uchun ishlatiladi, ya’ni ular saytlarda reklamalarni bloklaydi.

Facebook esa bir necha oydan buyon shunaqa dasturlarni o‘z saytida bloklash bilan shug‘ullanayotgan edi. Buning natijasida Facebook’ning veb versiyasida ko‘pchilikning Ad Blocker dasturlari ishlamay qolgan va ularga reklamalar ko‘rsatilgan. Bu esa kompaniya daromadlarining oshishiga xizmat qilmoqda.

Bu haqda Facebook’ning moliyaviy masalalar bo‘yicha direktori Devid Veyner (David Wehner) ma’lum qildi. Uning so‘zlariga ko‘ra, Ad Blocker’larni bloklash Facebook’ning veb versiyadagi reklamadan daromadini 18 foizga oshirgan.

Hozirda ham kompaniya muhandis va dasturchilari Ad Blocker’larga qarshi kurashishda davom etishmoqda va ustun kelishmoqda. Umuman olganda biror xizmatdan tekin foydalanilsa, reklamalarga ham chidash kerak, shunday emasmi?
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)