Sem Altman sun'iy intellekt fonida kafolatlangan daromad g'oyasidan voz kechdi
Sem Altman sun'iy intellektning ommaviy joriy etilishi fonida kafolatlangan daromad modelidan voz kechdi. U, oddiy to'lovlar mehnat va kapital o'rtasidagi muvozanatni o'zgartira olmaydi, deb ta'kidladi. Endilikda, u Ijtimoiy farovonlik fondini yaratishni taklif qilmoqda, bu orqali har bir AQSh fuqarosi sun'iy intellekt rivojlanishidan kelib chiqadigan iqtisodiy o'sishdan o'z ulushini olishi mumkin. Altman, agar texnologiyalardan foydalanish cheklansa, bu jamiyatdagi ijtimoiy tengsizlikni kuchaytirishi mumkinligini ta'kidladi.
OpenAI rahbari Sem Altman sun'iy intellektning ommaviy joriy etilishi fonida so'zsiz tayanch daromad modelini maqbul deb hisoblamasligini ma'lum qildi. Uning ta'kidlashicha, oddiy belgilangan to'lovlar mehnat va kapital o'rtasidagi muvozanat o'zgarishiga javob bera olmaydi. Bu haqda Ixbt.com xabar beradi.
2019-yilda Altman va uning hamkasblari tajriba uchun 60 million dollar yig'ishgan edi. Ushbu loyiha doirasida kam ta'minlangan ishtirokchilar uch yil davomida oyiga 1000 dollardan mablag' oldi.
Natijada ularning xarajatlari oshgani, ammo sog'liqni saqlash sohasida sezilarli yaxshilanish bo'lmagani aniqlandi.
Endilikda Altman Ijtimoiy farovonlik fondini yaratishni taklif qilmoqda. Bu fond orqali har bir AQSh fuqarosi sun'iy intellekt rivojlanishidan kelib chiqadigan iqtisodiy o'sishdan o'z ulushiga ega bo'lishi mumkin.
Uning fikricha, fuqarolarga sun'iy intellektning hisoblash resurslari yoki aktivlaridan ulush berish kerak. Agar texnologiyalardan foydalanish cheklansa, bu jamiyatdagi ijtimoiy tengsizlikning yanada kuchayishiga olib keladi.
Izohlar 0
…