Ilon Mask va OpenAI o'rtasidagi sud jarayoni boshlanishidan ikki kun oldin Mask kompaniya prezidenti Greg Brokmanga xabar yubordi. Mask sudlashuvni kelishuv yo'li bilan hal qilishni taklif etgan. Bu haqda Techcrunch.com xabar beradi.
Brokman har ikki tomon o'z da'volaridan voz kechishini so'raganidan so'ng, Mask keskin javob qaytardi. U Brokman va Sem Altman hafta oxiriga borib Amerikadagi eng yomon ko'rilgan insonlarga aylanishini ta'kidladi.
OpenAI yozishmalarni dalil sifatida qabul qilishni so'rab sudga murojaat qildi. Biroq sudya ushbu xabarlarni ishga tirkashni rad etdi.
Maskning da'vosi OpenAI kompaniyasining tijorat tuzilmasini bekor qilish va texnologiyalarni ommaga ochiq qilishni ko'zda tutadi. OpenAI yuristlari esa Mask raqobatchisini zaiflashtirish va moliyaviy foyda ko'rishni maqsad qilganini aytmoqda.
“Zamin”ni Telegramʻda oʻqing!
