Tesla Semi yuk mashinalarining akkumulyator sigʻimi maʼlum boʻldi
Kaliforniya havo resurslari kengashi hujjatlari orqali Tesla Semi yuk mashinalarining texnik ko'rsatkichlari ilk bor rasman oshkor etildi. Hujjatlarga ko'ra, mashinalar uchun Long Range modeli 822 kVt soat va Standard Range 548 kVt soat sig'imga ega bo'lgan ikkita turdagi akkumulyator konfiguratsiyasi taklif etiladi. Ushbu transport vositalari NCMA turidagi litiy ionli texnologiyadan foydalangan holda 800 kVt pik quvvat hamda 525 kVt doimiy quvvatni namoyish etadi.
Kaliforniya havo resurslari kengashi (CARB) tomonidan eʼlon qilingan yangi hujjatlarda Tesla Semi yuk mashinalarining texnik koʻrsatkichlari ilk bor rasman oshkor etildi. Hujjatlarga koʻra, Tesla ikkita turdagi akkumulyator konfiguratsiyasini taklif etadi: Long Range modeli 822 kVt·soat, Standard Range esa 548 kVt·soat sigʻimga ega. Bu haqda Ixbt.com xabar beradi.
Ikkala model ham NCMA turidagi litiy-ionli texnologiyadan foydalanadi va bir xil quvvat koʻrsatkichlarini namoyish etadi: 800 kVt pik quvvat hamda 525 kVt doimiy quvvat. Hisob-kitoblarga koʻra, Long Range versiyasi toʻliq yuk bilan bir quvvatlanishda taxminan 770 km, Standard Range esa 515 km masofani bosib oʻta oladi.
Tesla ishlab chiqarish jarayonini optimallashtirish maqsadida yangi zavodni Nevada shtatidagi Gigafactory Nevada yaqinida barpo etdi. Vertikal integratsiya va akkumulyatorlar ishlab chiqarish bazasiga yaqinlik kompaniyaga yiliga 50 000 dona yuk mashinasi ishlab chiqarish rejasini amalga oshirish imkonini beradi.
2026-yilgi Tesla Semi modeli oʻzidan oldingi versiyalarga nisbatan sezilarli darajada takomillashtirilgan. Xususan, yuk mashinasi ogʻirligi 450 kg ga kamaytirildi, aerodinamik koʻrsatkichlar yaxshilandi va 1,2 MVt quvvatga ega Megacharger tizimi orqali atigi 30 daqiqada 60 foiz quvvatni tiklash imkoniyati yaratildi.
Izohlar 0
…