Rossiyaning «katta to‘rtlik» aloqa operatorlari — «Bilayn», MTS, «Megafon» va T2 milliy Max messenjeri bilan texnologik hamkorlik to‘g‘risida kelishuv imzoladi. Ushbu hamkorlik doirasida Max foydalanuvchilarga avtorizatsiya, servis va tranzaksiya xabarlarini yuborish uchun qo‘shimcha kanal vazifasini bajaradi. Bu haqda Ixbt.com xabar beradi.
Integratsiya kompaniya va tashkilotlarga xabarnomalar hamda tasdiqlash kodlarini messenjer orqali yuborish imkonini beradi. Xabarlar avtomatik tarzda «Tasdiqlash kodlari» va «Foydali bildirishnomalar» kabi himoyalangan papkalarga taqsimlanadi. Muhim xabarlar faqat foydalanuvchi tomonidan ishonchli deb belgilangan qurilmaga yetkaziladi.
Kompaniya vakillarining ta’kidlashicha, operatorlar va Max o‘rtasidagi hamkorlik foydalanuvchilar yoki biznes-mijozlar uchun qo‘shimcha sozlamalarni talab qilmaydi. Xabarlar jo‘natilishi operatorlarning mijozlar bilan tuzgan amaldagi shartnomalari doirasida amalga oshiriladi.
Eslatib o‘tamiz, 2026-yilning may oyida Max messenjeri foydalanuvchilari soni 120 milliondan oshgan edi.
“Zamin”ni Telegramʻda oʻqing!
