Amazon Ring kompaniyasi oʻtgan yilgi bayram mavsumida mijozlarni qoʻllab-quvvatlash xizmatiga tushgan qoʻngʻiroqlar oqimini tartibga solish uchun 40 dan ortiq sunʼiy intellekt (AI) provayderlarini koʻrib chiqdi va yakunda Vapi startapini tanladi. Hozirda Ring kompaniyasining barcha kiruvchi qoʻngʻiroqlari Vapi platformasi orqali qayta ishlanmoqda. Bu haqda Techcrunch.com xabar beradi.
Ushbu hamkorlik Vapi startapiga Peak XV Partners yetakchiligida 50 million dollar miqdorida sarmoya jalb qilish imkonini berdi va kompaniyaning umumiy qiymatini 500 million dollarga yetkazdi. Amazon Ring vakili Jeyson Mituraning taʼkidlashicha, Vapi platformasi joriy etilgandan soʻng mijozlar mamnuniyati koʻrsatkichlari sezilarli darajada oshgan.
Vapi asoschilari Jordan Dearsley va Nikhil Gupta dastlab 2023-yilda sunʼiy intellekt asosidagi terapevtik xizmatni yaratishgan edi. Biroq, ular foydalanuvchilarning aynan past kechikishli (low-latency) ovozli infratuzilmaga qiziqishi yuqori ekanligini payqab, oʻz faoliyatlarini ushbu yoʻnalishga yoʻnaltirishdi va 2024-yilda platformani ommaga taqdim etishdi.
Bugungi kunda Vapi platformasi kuniga 1 milliondan 5 milliongacha qoʻngʻiroqni qayta ishlaydi. Startap xizmatlaridan Kavak, Instawork, New York Life va Intuit kabi yirik kompaniyalar foydalanmoqda. Microsoft kompaniyasining M12 fondi ham ishtirok etgan ushbu sarmoyaviy bosqich bilan Vapiʼning umumiy mablagʻi 72 million dollarga yetdi.
“Zamin”ni Telegramʻda oʻqing!
