17:47 / 25.12.2014
6 772

Xitoy banki O‘zbekistondagi GSM-operator rivoji uchun 550 million dollar ajratadi

Xitoy banki O‘zbekistondagi GSM-operator rivoji uchun 550 million dollar ajratadi
Xitoy davlat taraqqiyot banki milliy “Uzmobayl” GSM-operatorini rivojlantirish uchun 2014-2017 yillar davomida O‘zbekiston hukumatiga umumiy miqdori 550 million dollar bo‘lgan kredit taqdim etadi. Bu haqda, O‘zbekiston Aloqa, axborotlashtirish va telekommunikasiya texnologiyalari davlat qo‘mitasi vakiliga asoslanib, “RIA Novosti” xabar bermoqda.

“550 million dollarlik loyiha davlat investisiya dasturiga kiritilgan, Xitoy davlat taraqqiyot banki (XDTB) loyihani amalga oshirilishi yakunlangunig qadar uning kreditori etib belgilangan”, – deya aniqlik kiritdi agentlik suhbatdoshi.

Avvalroq, O‘zbekiston milliy aloqa operatori hisoblangan “O‘zbektelekom” aksiyadorlik kompaniyasi 2018 yilgacha “Uzmobayl” filiali negizida GSM-tarmog‘ini ishlab chiqishi, shuningdek, 2004 yilda tashkil etilgan CDMA-450 tarmog‘idan foydalanishda davom etishi haqida xabar berilgan edi. Operator 8 million raqam sig‘imiga ega 3,9 mingdan ortiq bazaviy aloqa stansiyalari va 4 ming to‘plam radiorele qurilmalarini o‘rnatishi ko‘zda tutilgan.

2014 yilning noyabr oyida Xitoyning Huawei Technologies kompaniyasi “O‘zbektelekom” bilan loyihaning birinchi bosqichi doirasida (2 millionta raqam sig‘imiga ega 1 ming 20ta baza stansiyasini o‘rnatish) telekommunikasiya uskunalarini etkazib berish bo‘yicha 117,6 million dollarlik shartnoma imzolagan edi.

Taxminiy hisob-kitoblarga ko‘ra, hozirgi vaqtda O‘zbekiston aholisi rasman 31 million kishi bo‘lgani holda, mobil aloqa foydalanuvchilari soni 20 millionga yaqin. 2012 yilda ularning soni 22 millionga etgan edi, biroq 2014 yilga oid rasmiy ko‘rsatkichlar ma’lum emas.

Manba: Kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » Xitoy banki O‘zbekistondagi GSM-operator rivoji uchun 550 million dollar ajratadi
[/banner_pushhouse